Ақжарқын орта мектебінің қамқоршылық кеңес бойынша  

 №3 хаттамасы

Өткізілген орны: директордың кабинеті

Отырыстың басталуы: 15:00

Отырыстың аяқталуы: 16:30

Отырыстың төрағасы: Лукбанов М.С.

Қатысқандар:

1. Қамқоршылық кеңес төрағасы- Лукбанов М.С.( жеке кәсіпкер)
2. Хатшы Мауина Гульнар Ермағанбетовна (пошта қызметкері)
3. Темірболатов Мақсат Қамимуллаұлы (ауыл әкімі)
4. Ата-аналар комитетінің төрайымы Хасенова Г.Ж-(әлеуметтік қызметкер)
5. Васильева И.А. (ауыл медбикесі)
6. Токушев А.А-(жеке кәсіпкер)
7. Журавлева Л.И.-(жеке кәсіпкер)

Қатыспағандар:     Хадария Серік (ауылдың учаскелік инспекторы)

                                  Туншев М.Э (жеке кәсіпкер)

Шақырылғандар: мектеп директоры-Рахимова Гульнар Акпаевна

                                  Директордың тәрбие ісі жөніндегі орынбасары Манав Алмагуль

КҮН ТӘРТІБІНДЕ:

1. Білім беру ұйымының қызметі туралы
2. Қайырымдылық көмектің жұмсалуы туралы

ТЫҢДАЛДЫ: бірінші сұрақ бойынша, яғни, білім беру ұйымының қызметі туралы мектеп директоры Рахимова Г.А. сөз алды. Мектеп басшысы өз сөзінде қазіргі таңда мектепте барлығы 114 оқушы білім алып жатқандығын жеткізе отырып, бірінші және екінші тоқсан бойынша білім сапасымен таныстырды. Бірінші тоқсанда негізі 113 оқушы білім алып, оның ішінде 6 оқушы «үздіктер» қатарында, 43 оқушы «екпінділер қатарында тоқсанды аяқтаған болатын. Ал қазіргі 2 тоқсанды 114 оқушы аяқтап, оның 13 оқушысы «үздік», 42 оқушы «екпінділер» қатарынан көрінді. Бірінші тоқсан мен екінші тоқсанның білім сапасын салыстырғанда 2 тоқсанда әжептәуір білім сапасының жоғарлағанын байқауға болады. Бірінші тоқсанда білім сапасы 46%, екінші тоқсанда 51 % көрсеткішті құрады деп білім сапасының нәтижесіне тоқталып  өтті.

   Сонымен қатар, мектеп оқушылары әр түрлі аудандық, облыстық, республикалық іс-шараларға да барынша атсалысып жүргендерін жеткізді. Атап айтсақ, аудандық пән олимпиадасына  барлығы 7 оқушы қатысып,  3 оқушы жүлделі орындар алды. Олар: Мейрамхан Ақтоты -3 орын (Қазақстан тарихынан), Мауина Назира-2 орын (математикадан), Никитина Анжела -2 орын (қазақ тілінен). Сондай-ақ, аудандық «Зерде» ғылыми зерттеулер байқауына 3 оқушы қатысып, екі оқушы жүлделі орынға ие болып, облыстық байқауға жолдама алған болатын. Олар: Алиева Райса -5 сынып оқушысы, Мадет Нұрислам -3 сынып оқушысы. Облыстық байқауға қатысушылар қатысқаны үшін сертификатпен марапатталды. Ал республикалық нәтижелер көбісі қашықтықтан қатысу олимпиадалары.

    Мектептің білім сапасы туралы айта отырып, мектептегі оқушылардың себепсіз сабақ босатпайтыны туралы да айтты. Азқамтылған отбасылар мен көпбалалы отбасылардан шыққан оқушылар  және мектепішілік есепте тұрған, «қауіп қатер дәрежесі» тізімінде тұрған оқушылармен үнемі жұмыстар жүргізіліп отырады. Сол оқушылардың сабақ босатпауы және жағдайы үнемі бақылауда.

    Сонымен қатар, мектебімізде Жаппай оқыту қорынан 31 бала тегін тамақтанады. Жалпы ол балалар азқамтылған отбасылар мен көпбалалы отбасылардан шыққан оқушылар. Тамақтану барысын күнделікті мектептің әлеуметтік ұстазы Мейрам Айсұлу тексеріп отырады. Ал қалған оқушылар үшін де мектепте ыстық тамақпен тамақтану жұмысы ұйымдастырылған.

ШЕШІМ:

1. Мектептің білім сапасын арттыру мақсатында оқушылармен пән мұғалімдері жеке жұмыстар жүргізу.
2. Әр тоқсан сайын тоқсан қорытындысы бойынша қамқоршылық кеңестің отырысын ұйымдастыру.

ТЫҢДАЛДЫ:

Екінші сұрақ бойынша директордың тәрбие ісі жөніндегі орынбасары сөз алды. Ол жыл басында «Мектепке жол» акциясы барысында көрсетілген көмек түрі мен жұмсалған қаражат туралы да слайд арқылы есеп берді. (кесте слайдтан алынды)

               Есеп түсінікті болғандықтан тәрбие ісі меңгерушісінен кейін ата-аналар комитетінің төрайымы Хасенова Г.Ж. алда келе жатқан жаңа жылға мектеп оқушыларына демеушілердің көрсеткен көмегіне  алғысын жеткізді.

               Лукбанов Мұхамеджан Сағынтайұлы: «Жалпы мектепте неше балаға жаңа жылдық сыйлық жасалу жоспарлануда?» деген сұрақ қойды

Мектеп директоры Рахимова Г.А.: «0 жастан 5 жасқа дейінгі және бастауыш сынып оқушылары барлығы 98 оқушыға жоспарлануда»- деді.

Лукбанов Мұхамеджан Сағынтайұлы: өз атымнан 20 000 теңге ақшалай бердім.

Токушев А.А: «Мен 15 000 теңге бергенмін.»  Балаларға үлкен болмаса да азғантай сыйлық жасауға жетерлік деп сөзін қорытындылады.

Хасенова Г.Ж: Барлық жиналған 35 000 теңгеге директордың тәрбие ісі жөніндегі орынбасары Манав А, аға тәлімгер Шаривхан А және ата-аналар тарапынан өзі барып сыйлықтар сатып алғандарын айтты. Барлық тізімдегі 98 оқушыға ойыншықтар сатып алынып, үздік костюм кигендерге де жеке сыйлықтар ұйымдастырылғанын жеткізді.

Қамқоршылық кеңес мүшелері барлығы сатып алынған сыйлықтарды қарап, барлық жоспарлаған балаларға жететініне көз жеткізді.

ШЕШІМ:

1. Жаңа жылға арналған оқушылардың костюмдерін қарап бағалауға комиссия мүшелері құрылсын.
2. Жаңа жылдың өткізілуіне барлық қамқоршылық кеңес мүшелері түгелдей атсалыссын.

1. Қамқоршылық кеңес төрағасы- Лукбанов М.С.
2. Хатшы Мауина Гульнар Ермағанбетовна
3. Темірболатов Мақсат Қамимуллаұлы
4. Ата-аналар комитетінің төрайымы Хасенова Г.Ж-
5. Васильева И.А.
6. Токушев А.А-
7. Журавлева Л.И-